短期同長期出家既生活模式係一樣, 因為唔理你已經做左幾耐, 隨時可以還俗既.
和尚都有唔同派別(寺院)既修行方式, 有D係一日食一餐飯, 有D係食齋, 有D係一日兩餐飯,
我果處就人地俾乜, 魚,肉,菜....照食可也. 但過左中午就唔食飯架啦, 任何無酒精既飲料就可以飲.
寺內LongPaul最大, 其次係MakHar, 普通知尚經過考試 (念經)就成為MakHar, 再上就LongPaul 架啦. 有條架仔就做左某寺既LongPaul啦.
小沙尼, 光頭穿僧袍, 住寺院, 但每天照常返學放學, 同一般小朋友一樣.
僧袍有2種著法, 每日化緣就著一種(你見到我照片既果種), 另一種係formal D既, 出寺見人念經...係另一種著法. 著衫係學問, 內裡唔著底褲, 著短底裙, 然後就係一條長布圍住下身, 外面一條長布, 卷卷褶褶就成因為外衣.
我自己就著來著去都唔褶得靚同唔實淨, 5am就要著好晒衫同LongPaul + 小和尚 + 小沙尼去化緣, 我就同D小沙尼打好關係, 每朝佢地來我房幫我著衫
和尚日常生活 :
6點就去化緣地方, 7:30返到寺院, 成班和尚坐定定, LongPaul先選食物, 再依次序分俾所有尚食, LongPaul特別鐘意我, 每日都由我陪佢去化緣, Marhar曾經叫我跟佢去另一處地方化緣, 但LongPaul唔俾, 要我跟實佢.
9am食完飯就齊齊去大殿念經, 念到10:30, 返房休息, 11:00又食!!!(頭兩日我無去唔食呢餐, 原來係個個都要食架, 因為要念經.)
中午直到下午4pm 全部自己時間啦, 鐘意做乜都得, 其實洗下衫, 打掃下自己房等等, 時間好快過, 當然一D想做Marhar就搏命諗經啦, 不過唔知係咪佢地較盾, 成日都記唔到, 我就第三日已經可以念口旺帶頭念經tim.
4pm去大殿念經, 跟住又自由時間, MarHar就教我打坐同諗經, 打坐屈住隻腳好冷累, 咪搞禾, 我就同幾個和尚出寺外既士多飲氣水同食煙,傾偈....
特別事件 :
LongPaul特別關照我, 在放骨灰旁邊有間房, 俾我自己住. 當時12月尾, 晚上只有十幾度, 晚上無可能沖凍水涼, 我就用個電水煲煲水, 分幾次放入桶仔, 拿住裝左熱水既桶去沖涼. ( 數日後Longpaul同大家講, 近日寺院支出大左, 要大家節省用電, 可能佢唔知禾晚晚煲幾煲水呢 )
有日有間外面既私人廟請和尚去同佛像開光, 我又跟和尚們去, 今次佢地諗既經我就唔識啦, on99咁口郁郁.
我無寫錯, 係"廟", 呢間野供奉觀音加佛像, 知尚們照去念經.
有晚5pm, 和尚又叫我出去, 完來係去同死人念經, 出到大殿, MarHar唔知係關照我還是明知我唔識念經, 就叫我唔駛去.
有日下午無野做, 同隻狗仔散步 (呢隻狗隻好跟我, 成日在房門口等我....) 見另一個和尚在掃樹葉, 我就起掃把幫佢一齊掃, 搞左兩個幾鐘就一齊食煙休息, 果晚士多聚會時, 佢送左個佛牌俾我, 我還俗後就轉送俾我女友既細佬, 見佢當時兩眼發光我至知呢個佛牌係好野黎!!!!
每天去化緣只有LongPaul可以著拖鞋, 所有和尚都要赤腳, 我女友細佬早已經俾定膠布同消毒藥水我, 話我對腳一定損, 結果我對腳板安然無損,
牛兄, 如果係你, 你會點做而令到對腳唔會損呢 ?(記住, 係要赤腳行路架)
漏左答一樣野, 我所認知既 (他信兄請指教/補充) :
和尚既所謂法力係本自經文, 唔識法術架, 只會教打坐諗經, 如果至入定狀態, 呢樣我做唔到.
泰國同時有國師, 國師係婆羅門教既最高領導人, 泰國已將佛教同婆羅門教溶為一體, 就似中國佛道一家咁樣.
而佛經都係由巴利文譯做泰文的,
一句每個泰國人都識既經文 :
"刺模達殺,拍架屈多, 亞刺嚇多,審嘛,審put達殺", 一般泰國人每晚睡前都會合十諗呢句三次既. |
發表於 2014-6-13 09:01
可能要勞煩 Thaksin兄教路指示我怎樣去屈班麗寺了 
樓主
有點好奇, harchai兄乃係香港人, 有何因綠會短期出家呢 
不過巧似矛 harchai兄之前個d model 咁榚質素 
另一個問題是有僧人成日去召妓
但就無講泰國佛教 headquarter & 政府如何去懲罰這些犯戒的僧人 
harchai兄都未有觸及 
其實佛牌/符管/刺符......等等, 就已經是 龍婆自身法術的延伸, 當然, 禾估計並非每一位 龍婆/僧人都會去學魯士法門, harchai兄出家的那間佛寺的 龍婆, 就有可能沒有修習魯士法門, 這點就真係要對泰國佛教有研究的人確認下先知, 吾知 他信兄知不知道呢 
就禾所看的網上資料, 泰國人所拜的一些神, 如象神, 濕婆天, 這些就已經是印度教(婆羅門) 的神祇, 而魯士法門, 禾亦懷疑是流傳自印度教 
但有一點, 禾覺得泰國佛教界還算是態度明確的, 雖然泰國人, 怎至泰國僧人會學習「外道」的法門和接受他們的神祇, 但在精神和認知上, 佛陀和 阿羅漢的地位仍然是最崇高的, 而很多出名的 阿贊, 亦是佛教徒和曾經出過家, 而所製的 佛壇, 都是 佛陀放在最高位, 其次是 阿羅漢, 再下是菩薩 (大乘佛教中人就應該會很不以為然了
) , 再下才是魯士和其祂神像 
