常見性病系列：淋病

choicehealth

拿，此淋病不同彼「淋病」，大家唔好撈亂呀！淋病係香港其中一個最普遍嘅性病，咁佢嘅病徵都非常明顯，就係患者會有小便刺痛，性器官會流出白色或黃綠色膿狀液體，因此亦有人俗稱淋病做『流白濁』或者『牛奶仔』。

淋病只會透過不安全嘅口交，陰道交或肛交傳染。除咗可以於性器官有病徵之外，淋病亦有可能因肛交或口交因此肛門流膿或口腔發炎的症狀。而且淋病如果唔及時醫治，病情有可能會蔓延到其他器官，男性患者可能因此引致睪丸感染而發炎，而女性患者則有可能會有盆腔發炎，甚至引致不育。同時，淋病患者缺乏治療的話都會可能引起關節，皮膚及眼晴出現問題。

因為淋病係淋病雙球菌引起，所以經過服用醫生處方嘅整個抗生素療程就可以有效根治淋病。治療期間要與性伴侶避免有任何性接觸，避免乒乓球式感染，而且要證實已經痊癒先可以回復性生活。為確保徹底根治淋病，康復後仍須接受醫生或診所嘅跟進檢查。

想預防淋病，最好嘅預防方法當然係性交嘅時候全程正確使用安全套啦！無論口交，陰道交或肛交都要使用安全套，以減低患病風險。而且，一旦染上性病，患上其他性病，甚至愛滋病嘅風險都會提高！所以為咗自己身體著想，出去玩之前記得要有一「套」傍身呀！仲有，定期身體檢查都好重要架！定時知道自己愛滋病或梅毒感染狀況先可以確保自己同你伴侶嘅身體健康。

【再思社區健康組織】(NGO)
性健康諮詢;
免費、不記名、保密、
愛滋病毒/梅毒快速測試
電話: 3188 9024
手機: 6424 8126
地址: 再思新地址旺角弼街9-15號恆利中心302室

superadmin

瀏覽更多【再思社區健康組織】最新性知識及各類健康資訊報告
https://winning11.com/forum/dz/forum.php?mod=forumdisplay&fid=9&filter=typeid&typeid=658