甘蔗男
1. 臨時先約
a. 如果對方經常臨時先約你,好有可能表示你係後備嘅選擇。咁你就要小心,睇定啲先,再考慮下先選擇沉唔沉船。過多的承諾
2. 過多嘅承諾
a. 未開始拍拖,或者係啱啱開始無幾耐,就對你許下好多嘅承諾。雖然承諾係甜嘅,但咁快就有咁多承諾,對方係唔係真係做到晒?
3. 記錯野/唔記得
a. 如果真係鍾意一個人,又點會唔留意唔了解自己?一個人經常都唔記得,或者記錯你鍾意食同做嘅野。好有可能佢係記咗另一個人當係你,咁你就要小心啲啦!
4. 對你忽冷忽熱
a. 對方係曖昧期對你忽冷忽熱,一時又BB豬,一時又唔搵你。遇到呢啲人,記得唔好俾自己沉船,唔好俾佢地嘅甜言蜜語呃到。可能佢地係中央冷氣。對好多人都係咁做。
5. 唔帶你去識佢嘅朋友
a. 如果你覺得對方對你幾好,幾真心。咁就要睇對方會唔會帶你去結識佢嘅朋友。如果你唔識佢嘅朋友,有可能佢刻意隱瞞某啲野,又或者可能你先係第3者。
6. 經常潛水
a. 經常無啦啦失蹤。然後突然上水覆你話啱啱好忙,開緊會又或者見緊客。之後又無啦啦消失?可能佢係一個時間管理大師。